Мадриднинг “Реал” клуби матбуот хизмати СЭ нашрига ҳужумчи Карим Бенземанинг 2022 йилда Қатарда бўлиб ўтадиган жаҳон чемпионати учун Франция терма жамоасига қайтиши мумкинлиги ҳақида фикр билдирди.
"Бенземанинг Франция таркибига жаҳон чемпионатида иштирок этиши учун қайтиши мумкинлиги ҳақида бизда ҳеч қандай маълумот йўқ. Буни Франция футбол федерациясидан сўрашингиз керак", - деди "Реал Мадрид" матбуот хизмати.
34 ёшли Бензема ЖЧ-2022 олдидан терма жамоа машғулотларида жароҳат олган эди. Франциялик футболчига чап соннинг тўрт бошли мушаклари жароҳати ташхиси қўйилган, шу сабабли у турнирни ўтказиб юбормоқда.
