ПСВ ҳужумчиси Коди Гакпо "Манчестер Юнайтед"га ўтиши мумкин. De Telegraaf хабарига кўра, инглиз клуби футболчига 2028 йилгача мўлжалланган шартнома таклиф қилмоқда.
Олдинроқ "МЮ" 23 ёшли футболчини қишда 50 миллион евро эвазига сотиб олиши мумкинлиги ҳақида хабарлар тарқалган эди.
Нидерландия терма жамоаси футболчисининг ўзи эса бундай нуфузли клубнинг қизиқишидан мамнунлигини айтди.
Гакпо жорий мавсумда ПСВ сафида 23 та ўйинда майдонга тушиб, 13 та гол урди ва 17 та голли узатмани амалга оширди. Унинг клуб билан шартномаси 2026 йилнинг ёзига қадар мўлжалланган.
