Аргентина терма жамоаси сардори Лионель Месси ЖЧ-2022 гуруҳ босқичининг Польшага қарши ўйинида (2:0) ноаниқ пенальтиси ҳақида фикр билдирди.

“Мен пеналтидан гол ура олмаганим ачинарли, аммо хатоимдан кейин жамоа кучайиб кетди. Биз биринчи голни уришимиз билан ўйиннинг боришини ўзгартиришини билардик.

1/8 финалда Австралия билан ўйин жуда қийин бўлади. Биз ўйинга энг яхши тарзда тайёргарлик кўришимиз керак. Энди жаҳон чемпионатининг янги босқичи бошланмоқда ва умид қиламанки, биз бугун қилган ишимизни давом эттирамиз”, - дея Мессининг сўзларини келтиради Ole.

3 декабрь, шанба куни Аргентина ва Австралия терма жамоалари ўртасидаги ЖЧ-2022 1/8 финал учрашуви бўлиб ўтади. Учрашув 23.59 (Тошкент вақти билан) да бошланади.