Германия терма жамоаси бош мураббийи Ханс-Дитер Флик жамоанинг ЖЧ-2022 плей-офф босқичида иштирок эта олмагани ҳақида фикр билдирди.
1 декабрь куни немислар Коста-Рикани мағлуб этишди (4:2), аммо E гуруҳида учинчи ўринни эгаллаб, турнирни тарк этишди.
“Жуда катта умидсизлик. Мен Испанияни айбламайман. Ҳеч қачон бошқа жамоаларга қарамайман. Бунга фақат ўзимиз айбдормиз, бизда етарлича имкониятлар бўлди, айниқса Японияга қарши, шунингдек, ўйин охирида Испанияга қарши баҳсда ҳам.
Биз футболчиларни яхшироқ ривожлантиришимиз керак. Бизга кўп йиллардан бери тўққизлик ҳужумчи ва кучли ҳимоячилар керак. Ҳимоя кўп йиллар давомида немис футболида ажралиб туради. Биз яна ўша асосларга қайтишимиз керак", - деди Флик.