"Реал" ҳимоячиси Начо Фернандес клуб билан янги шартнома бўйича музокараларни тўхтатди. Marca хабарига кўра, испаниялик футболчи жамоадаги ролига ойдинлик киритмоқчи.
Эслатиб ўтамиз, Начонинг «қироллик клуби» билан амалдаги шартномаси жорий мавсум охирида якунига етади.
Фернандес бир неча йилдан буён ротацияли футболчи ролини ўйнамоқда ва у ҳал қилувчи паллада ўз вазифасини аъло даражада бажармоқда.
«Реал Мадрид»даги барча йиллари давомида Начо Фернандес 5 марта Чемпионлар лигасида ғолиб чиқди.
Ҳимоячининг совринлар коллекциясида Испания чемпионатининг учта олтин медали ва битта мамлакат кубоги ҳам бор.
