Марокаш терма жамоаси Канада устидан қозонилган ғалаба (2:1) ва жаҳон чемпионатининг плей-офф босқичига чиққанидан кейин Нидерландияда тартибсизликлар бошланди.
Роттердам, Амерсфорт ва Амстердам шаҳарларида одамлар полицияга машъал отдилар. Умуман олганда, ҳуқуқ-тартибот идоралари ходимлари мамлакатнинг турли шаҳарларида йигирмага яқин одамни қўлга олди.
Амстердамда полиция 300 кишилик гуруҳни таёқ ва итлар ёрдамида тарқатиб юборди. Бундан ташқари, Амстердам полицияси Амстердам-Янги Ғарб ҳудудидаги тартибсизликлар вақтида тўққиз кишини, жумладан беш нафар вояга етмаганларни ҳибсга олди. Бир полициячи яраланган.
