Sports.kz сайти Қозоғистон Премьер-лигасининг давралар оралиғида клублар ўз таркибига янги қўшиб олган футболчиларнинг рамзий термасини тузиб чиқди.
Биз учун эътиборлиси, ушбу ёзда “Актобе” ўз сафига қўшиб олган Ўзбекистон термасининг уч футболчиси – Марат Бикмаев, Темур Кападзе ва Александр Гейнрих мазкур рамзий термадан жой олишди.
Рамзий термада Бикмаев ўнг қанот ярим ҳимоячиси, Кападзе таянч ярим ҳимоячиси ва Гейнрих марказий ҳужумчи сифатида қайд этилган.
Қайд этиш жоизки, бу учала ҳамюртимиз “Актобе” сафига кўшилганларига кўп вақт бўлмаганига қарамай, улар Премьер-лига ва Европа Лигаси баҳсларида ўзларини кўрсатишга муваффақ бўлишди.
