"Арсенал" бош мураббийи Микель Артета "Лестер" ярим ҳимоячиси Юри Тилеманснинг жамоага ўтишига қизиқмаяпти.
Football.london хабарига кўра, "канонирлар" бельгиялик футболчини бир неча ойдан бери кузатиб боришган, бироқ Артета Тилеманс билан шартнома имзолашга рози бўлмаслиги мумкин. 25 ёшли ярим ҳимоячи ёзда клублар учун эркин агентга айланиши мумкин.
Олдинроқ, Тилеманс шартнома муддати тугагач, «Лестер»ни тарк этишга қарор қилгани ҳақида хабар берилганди. Томонлар ўртасидаги келишув 2023 йилнинг ёзида якунига етади.
Ярим ҳимоячи жорий мавсумда барча турнирларда 17 та ўйинда майдонга тушиб, 3 та гол урди ва битта голли узатмани амалга оширди. Transfermarkt портали футболчининг нархини 40 миллион еврога баҳоламоқда.
