"Arsenal" bosh murabbiyi Mikel Arteta "Lester" yarim himoyachisi Yuri Tilemansning jamoaga o‘tishiga qiziqmayapti.
Football.london xabariga ko‘ra, "kanonirlar" belgiyalik futbolchini bir necha oydan beri kuzatib borishgan, biroq Arteta Tilemans bilan shartnoma imzolashga rozi bo‘lmasligi mumkin. 25 yoshli yarim himoyachi yozda klublar uchun erkin agentga aylanishi mumkin.
Oldinroq, Tilemans shartnoma muddati tugagach, «Lester»ni tark etishga qaror qilgani haqida xabar berilgandi. Tomonlar o‘rtasidagi kelishuv 2023 yilning yozida yakuniga yetadi.
Yarim himoyachi joriy mavsumda barcha turnirlarda 17 ta o‘yinda maydonga tushib, 3 ta gol urdi va bitta golli uzatmani amalga oshirdi. Transfermarkt portali futbolchining narxini 40 million yevroga baholamoqda.