Мюнхенгладбахнинг "Боруссия" клуби дарвозабони Ян Зоммер фаолиятини Италия А сериясида давом эттириши мумкин. Журналист Жанлука ди Марционинг ижтимоий тармоқлардаги хабарига кўра, дарвозабоннинг хизматларига Миланнинг "Интер" клуби қизиқмоқда.

Эслатиб ўтамиз, мавсум якунида “нерадзуррилар” шартномаси тугайдиган асосий дарвозабон ва сардор Самир Хандановичдан айрилиши мумкин. "Боруссия" билан келишуви ҳам якунига етаётган Зоммер "Интер"га идеал номзод бўлиши мумкин.

Айни дамда Зоммер Швейцария терма жамоаси сафида Қатардаги жаҳон чемпионатида иштирок этмоқда.