"Лестер" ҳимоячиси Чаглар Союнжу фаолиятини "Атлетико Мадрид"да давом эттириши мумкин, деб хабар беради АS.

Манбага кўра, “матрасчилар” раҳбарияти келаси йилнинг январида унинг трансферини расмийлаштиришга уриниб кўриш мақсадида 26 ёшли туркиялик ҳақида маълумот сўраган.

Союнжунинг инглиз клуби билан амалдаги шартномаси 2023 йилнинг ёзига қадар тузилган. Тransfermarkt Туркия терма жамоаси футболчисини 22 миллион еврога баҳоламоқда.

Жорий мавсумда ҳимоячи “тулкилар” таркибида иккита ўйин ўтказиб, уларда гол ура олмади. Союнжу 2018 йилдан бери "Лестер Сити"да ўйнаб келмоқда.