ЖЧ-2022 1/8 финали доирасида Франция терма жамоаси билан ўйин арафасида Польша ҳужумчиси Аркадиуш Милик франциялик ҳужумчи Килиан Мбаппенинг тезкорлиги ҳақида гапирди.
"Мбаппега қарши қандай ҳаракат қилиш керак? Жуда тез бўлишингиз керак. Килианга етиб олиш учун бизга скутер керак. Унга қарши индивидуал тарзда ўйнаш жуда қийин, у дунёнинг энг яхши футболчиларидан бири. Биз бутун жамоа билан жавоб беришимиз, бу вазифа учун жамоавий ечим топишимиз керак", - деди Милик L'Equipe билан суҳбатда.
Эртага, 4 декабрь куни Доҳадаги "El Tumama" стадионида ЖЧ-2022 1/8 финали доирасида Франция - Польша учрашуви бўлиб ўтади. Учрашув Тошкент вақти билан соат 20:00да бошланади. Франция – Польша учрашуви ғолиби жаҳон чемпионатининг чорак финалида Англия – Сенегал жуфтлиги ғолиби билан ўйнайди.
