Ижтимоий тармоқларнинг машҳур "433" футбол аккаунтида уругвайлик ҳужумчи Луис Суареснинг ўз жамоасининг ЖЧ-2022 дан чиқиб кетгани учун йиғлаётган суратлари жойлаштирилди. Франциялик собиқ футболчи Патрис Эврага бу пост ёқди ва у "лайк" босди.

Эслатиб ўтамиз, Суарес "Ливерпул"да ўйнаганида Эврани ирқчилик нуқтаи назаридан ҳақорат қилгани учун саккизта ўйинга дисквалификация қилинган эди. Франция терма жамоасининг собиқ ҳимоячиси ўшанда “Манчестер Юнайтед”да ўйнаган.

Уругвай 2006 йилдан бери илк бор жаҳон чемпионатининг плей-офф босқичига чиқа олмади.