Испания терма жамоасининг собиқ дарвозабони Икер Касильяс Қатарда бўлиб ўтаётган жаҳон чемпионати 1/8 финали доирасидаги Испания ва Марокаш терма жамоалари ўртасидаги ўйиндан олдинги фикрлари билан ўртоқлашди.
"Кўпчилик плей-оффнинг дастлабки босқичида Бразилия ва Аргентинани ўтказиб юборганимиздан хурсанд, аммо биз Марокашнинг жуда яхши жамоасига қарши ўйнаймиз. Кейинчалик Португалияни кутишимиз мумкин. Бир неча кундан сўнг биз қайси жамоа яхшироқ эканлигини кўрамиз”, - деди Касильяс TVE телеканалида.
Эслатиб ўтамиз, Испания гуруҳ босқичининг сўнгги ўйинида Японияга қарши ўйинда мағлуб бўлиб, "Е" гуруҳида иккинчи ўринни эгаллади.
