Ispaniya terma jamoasining sobiq darvozaboni Iker Kasilyas Qatarda bo‘lib o‘tayotgan jahon chempionati 1/8 finali doirasidagi Ispaniya va Marokash terma jamoalari o‘rtasidagi o‘yindan oldingi fikrlari bilan o‘rtoqlashdi.
"Ko‘pchilik pley-offning dastlabki bosqichida Braziliya va Argentinani o‘tkazib yuborganimizdan xursand, ammo biz Marokashning juda yaxshi jamoasiga qarshi o‘ynaymiz. Keyinchalik Portugaliyani kutishimiz mumkin. Bir necha kundan so‘ng biz qaysi jamoa yaxshiroq ekanligini ko‘ramiz”, - dedi Kasilyas TVE telekanalida.
Eslatib o‘tamiz, Ispaniya guruh bosqichining so‘nggi o‘yinida Yaponiyaga qarshi o‘yinda mag‘lub bo‘lib, "E" guruhida ikkinchi o‘rinni egalladi.
