"Тоттенхэм" ҳужумчиси Лукас Моура қишки трансфер ойнасида жамоани тарк этиши мумкин.
Sport Witness нашри хабарига кўра, 30 ёшли футболчининг Лондон клуби раҳбарияти билан муносабатлари аъло даражада, шунинг учун "шпорлар" 2024 йил ўрталарига қадар тузилган шартномага қарамай, футболчини Бразилияга текинга қўйиб юбориши мумкин.
Лукас Моура аллақачон Бразилиянинг "Сан-Паулу" билан алоқада бўлган, аммо бу клуб ҳужумчининг маошини тўлашга қодир эмас. Ҳозирда Моурани Бразилиянинг бошқа бир клуби - "Фламенго" билан боғлашаётгани ҳақида миш-мишлар тарқалмоқда.
2022/2023 йилги мавсумда Лукас Моура "Тоттенхэм" таркибида 11 та ўйинда майдонга тушган. Ҳужумчи самарали ҳаракатлари билан ажралиб турмади.
