Бугун, 4 декабрь куни жаҳон чемпионатининг 1/8 финал босқичининг навбатдаги ўйинлари бўлиб ўтади. Франция терма жамоаси Полша термаси билан, Англия эса Сенегал билан кураш олиб боради. Five Thirty Eight суперкомпьютери қарама-қаршиликларнинг ғолибларини башорат қилди. Компьютер жамоаларнинг ҳужум ва мудофаадаги кучини акс эттирувчи Soccer Power Index деб аталадиган кўрсаткичга асосланади.
Франция - Польша
Суперкомпьютернинг тахминича, амалдаги жаҳон чемпионлари полшаликлар билан қарама-қаршиликда яққол фаворит ҳисобланади. Дидье Дешам шогирдларининг ғалаба қозониш эҳтимоли 81%, Польшанинг имкониятлари эса атиги 19% деб баҳоланмоқда.
Эслатиб ўтамиз, Франция терма жамоаси ўзи учун турнир аҳамиятига эга бўлмаган ўйинда Тунисга ютқазиб, Австралия (4:1) ва Данияни (2:1) мағлуб этган эди. Аммо Польша термаси 1/8 финалга осонликча чиқмади: Мексика билан дуранг ўйнаб (0:0) ва Саудия Арабистонини (2:0) мағлуб этган европаликлар сўнгги турда Аргентинага имкониятни бой берди.
Англия - Сенегал
Бу жуфтликда фаворит ҳам бир хил даражада бўлмасада яққол кўзга ташланади. Англиянинг чорак финалга чиқиш имконияти 68 фоиз, Сенегалнинг ғалаба қозониш имконияти 32 фоиз. Футбол юрти вакиллари гуруҳ босқичида иккита йирик ғалабага эришдилар - Эрон (6:2) ва Уэльс (3:0) мағлубиятга учратилди, африкаликлар эса Эквадорга қарши ўйинда (2:1) ўзларига керакли натиҳани қайд этишди.
1/8 финал учун олдинги тахминлар амалга ошдими?
3 декабрь куни 1/8 финалнинг қуйидаги ўйинлари бўлиб ўтди: Нидерландия - АҚШ ва Аргентина - Австралия. Биринчи жуфтликда суперкомпьютер жамоаларнинг имкониятларини мос равишда 65% ва 35%, иккинчисида эса 17% га нисбатан 83% деб баҳолади. Нидерландия терма жамоаси америкаликларни (3:1), Аргентина эса Австралияни (2:1) мағлуб этди. Шундай қилиб, суперкомпьютернинг иккала башорати ҳам амалга ошди.
ЖЧ-2022. 1/8 финал ўйинлари тақвими 4 декабрь
20:00. Франция - Польша
00:00. Англия - Сенегал.
