"Палмейрас" ярим ҳимоячиси Густаво Скарпа "Ноттингем Форест"га ўтишга яқин, дея хабар беради журналист Фабрицио Романо.
Манбага кўра, 28 ёшли бразилиялик қишда инглиз клубига эркин агент сифатида ўтиш учун тиббий кўрикдан ўтган. Футболчининг “Палмейрас” билан амалдаги шартномаси декабрь ойи охиригача ҳисобланган. Тransfermarkt портали Бразилия терма жамоасининг собиқ футболчисини 12 миллион еврога баҳоламоқда.
Скарпа бу йил “Палмейрас” сафида 47 та ўйинда майдонга тушиб, 12 та гол урди ва 14 та голга ассистентлик қилди.
"Ноттингем Форест" ҳозирда Премьер-лиганинг 15-туридан кейин 13 очко билан 18-ўринда бормоқда.