"Palmeyras" yarim himoyachisi Gustavo Skarpa "Nottingem Forest"ga o‘tishga yaqin, deya xabar beradi jurnalist Fabrisio Romano.
Manbaga ko‘ra, 28 yoshli braziliyalik qishda ingliz klubiga erkin agent sifatida o‘tish uchun tibbiy ko‘rikdan o‘tgan. Futbolchining “Palmeyras” bilan amaldagi shartnomasi dekabr oyi oxirigacha hisoblangan. Transfermarkt portali Braziliya terma jamoasining sobiq futbolchisini 12 million yevroga baholamoqda.
Skarpa bu yil “Palmeyras” safida 47 ta o‘yinda maydonga tushib, 12 ta gol urdi va 14 ta golga assistentlik qildi.
"Nottingem Forest" hozirda Premyer-liganing 15-turidan keyin 13 ochko bilan 18-o‘rinda bormoqda.