Нидерландия терма жамоаси ва Миланнинг “Интер” клуби марказий ҳимоячиси Стефан де Врей Испаниянинг топ-клубига ўтиш имкониятига эга.
Тодофичажес хабарига кўра, 30 ёшли футболчини "Атлетико Мадрид" ўз сафига қўшиб олмоқчи. "Матрасчилар" бош мураббийи Диего Симеоненинг шахсан ўзи 30 ёшли футболчининг трансферини талаб қилмоқда.
Де Врейнинг нерадзуррилар билан амалдаги шартномаси жорий мавсум охиригача амал қилади. Томонлар муддатни узайтириш бўйича музокаралар олиб бормоқда, бироқ ҳозирча келиша олмаяпти.
А Сериянинг жорий мавсумида ҳимоячи 12 та ўйин ўтказиб, битта гол урган.
