Аргентина терма жамоаси ҳужумчиси Лионель Месси Уругвай терма жамоаси Қатарда бўлиб ўтган жаҳон чемпионатидан чиқиб кетганидан кейин ҳужумчи Луис Суаресни қўллаб-қувватлади.
“Суарес билан нима бўлишидан қатъий назар, мен доимо у биланман. Уларнинг турнирдан чиқиб кетганини кўриш жуда ачинарли эди. Футболда шундай бўлади. Сиз фақат олдинда нималар борлиги ҳақида ўйлашингиз керак", - деб ёзди Месси ижтимоий тармоқларида.
Уругвай терма жамоаси жаҳон чемпионати гуруҳ босқичи 3-турида Гана терма жамоасини мағлуб этди (2:0), лекин гуруҳда учинчи ўринни эгаллаб, плей-оффга чиқа олмади.
