Бразилиялик ярим ҳимоячи Густаво Скарпа «Палмейрас»дан «Ноттингем Форест»га кўчиб ўтди. Бу ҳақда инглиз клуби расмий сайти хабар бермоқда.
Скарпанинг «ўрмончилар» билан келишуви 2026 йилнинг ёзига қадар мўлжалланган. Бразилиялик футболчи эркин агент сифатида «Ноттингем Форест»га ўтди.
Ярим ҳимоячи бу йил «Палмейрас» сафида 47 та ўйинда майдонга тушиб, 12 та гол урди ва 14 та голли узатмани амалга оширди.
Эслатиб ўтамиз, Скарпа бундан аввал Бразилиядан ташқарида ўйнамаган. 28 ёшли футболчининг фаолиятида «Палмейрас»дан ташқари «Флуминенсе» ҳам бор эди.
Бундан ташқари, у ўз мамлакати терма жамоаси таркибида битта ўйин ўтказиб, унда гол ура олмади.
