ФИФА мутасаддиси Арсен Венгер ЖЧ—2026 формати ҳақида гапирди, дея хабар қилмоқда ESPN.

"Кейинги Жаҳон Чемпионатида 48 жамоа иштирок этади, бироқ ҳали формат борасида келиша олмадик. Учта вариант бор — 4 та жамоадан 12 та гуруҳ, 3 та жамоадан 16 та гуруҳ ва 24 та жамоадан 2 та гуруҳ. Якуний қарор ФИФАнинг 2023 йилги йиғилишида қабул қилинади, — дейди Арсен Венгер.

Мутахассис «24 та жамоадан иккита гуруҳ» формати қабул қилинса, у қай тариқа ўтказилишига аниқлик киритмаган.

2026 йилги Жаҳон Чемпионатига АҚШ, Канада ва Мексика мамлакатлари мезбонлик қилади. Бу 48 та жамоа иштирок этадиган илк мундиал бўлади. Айни вақтда мусобақада 32 та жамоа иштирок этади.