Нидерландия терма жамоасининг амалдаги бошқарувчиси Луи ван Гал бош мураббий сифатида иштирок этган жаҳон чемпионатларида бор-йўғи битта мағлубият аламини тотиб кўрди. Бу 2014 йилда, унинг қўл остидаги "лоларанглар" жаҳон чемпионатининг ½ финалида мағлуб бўлганида содир бўлди.
Эслатиб ўтамиз, ўша учрашувда Нидерландияга Аргентина терма жамоаси рақиблик қилганди. Учрашувнинг асосий вақти дуранг билан якунланган ва жанубий америкалик футболчилар пенальтилар сериясида омадли чиқишганди. Ҳозирча бу Луи ван Гал учун жаҳон чемпионатидаги ягона мағлубиятдир. У 11 та жанг ўтказиб, тўққизта ғалаба қозонган, бир марта дуранг ўйнаган ва бир марта мағлубиятга учраган.
2022 йилги футбол бўйича жаҳон чемпионати чорак финалида Нидерландия Аргентинага қарши майдонга тушади. Учрашув 9 декабрь куни бўлиб ўтади.
