Niderlandiya terma jamoasining amaldagi boshqaruvchisi Lui van Gal bosh murabbiy sifatida ishtirok etgan jahon chempionatlarida bor-yo‘g‘i bitta mag‘lubiyat alamini totib ko‘rdi. Bu 2014 yilda, uning qo‘l ostidagi "lolaranglar" jahon chempionatining ½ finalida mag‘lub bo‘lganida sodir bo‘ldi.

Eslatib o‘tamiz, o‘sha uchrashuvda Niderlandiyaga Argentina terma jamoasi raqiblik qilgandi. Uchrashuvning asosiy vaqti durang bilan yakunlangan va janubiy amerikalik futbolchilar penaltilar seriyasida omadli chiqishgandi. Hozircha bu Lui van Gal uchun jahon chempionatidagi yagona mag‘lubiyatdir. U 11 ta jang o‘tkazib, to‘qqizta g‘alaba qozongan, bir marta durang o‘ynagan va bir marta mag‘lubiyatga uchragan.

2022 yilgi futbol bo‘yicha jahon chempionati chorak finalida Niderlandiya Argentinaga qarshi maydonga tushadi. Uchrashuv 9 dekabr kuni bo‘lib o‘tadi.