"Ўйин қоидалари-2012/2013"га киритилган ўзгаришлар ва уларни амалга қўллашда юзага келиши мумкин бўлган тушунарсиз ҳолатларнинг олдини олиш мақсадида, "Насаф" футбол клуби ўз футболчиларига бир кунлик семинар ўтказиб беришни сўраб ЎФФ Ҳакамлар ва назоратчилар бошқармасига мурожаат қилди.

Ушбу семинардан асосий мақсад Ўйин қоидаларининг асосларини ўрганиш ва такрорлаш, шунингдек Ўзбекистон чемпионати ва халқаро ўйинларда учраб турадиган вазиятлар бўйича мухим ҳолатларни муҳокама қилишдан иборат.
 
Ушбу семинар жамоаларга фойдали бўлиб, ўйинчилар ва мураббийлар қоидалар тўғри тушунишга ёрдам беради. Натижада ўйиннинг томошабоплиги ортади, футболчиларнинг ҳакамлар томонидан интизомий жазога тортилишини камайтиради (ҳам Ўзбекистон чемпионати, ҳам халқаро ўйинларда).

Семинарда ФИФА ва ОФКнинг энг яхги материалларидан фойдаланилади. У ўз ичига қуйидаги мавзуларни олади:
• Рақибга оёқ билан зарба бериш учун жазо;
• Рақибга қўл билан зарба бериш учун жазо;
• Ўйинчини ушлаб қолиш;
• Симуляция;
• Норозилик билдириш;
• Тўпга қўл билан ўйнаш;
• Ўйиндан ташқари ҳолат;
• Ўйиннинг давом этишига қаршилик қилиш;
• Стандарт вазиятларда керакли масофани сақлаш;
• Рақибни яққол гол уриш имкониятидан (ёки гол уришдан) маҳрум қилиш;
• Ўйинчиларнинг экипировкаси;
• Расмий шахсларнинг  техник зонада ўзларини тутишлари.

Семинарни ОФК инструктори Фарҳод Абдуллаев олиб боради.