"Милан" матбуот хизмати ижтимоий тармоқларда ҳужумчи Рафаэль Леаунинг энг яхши голлари жамланмасини эълон қилди. Португалиялик футболчи ўз изоҳини қолдирди ва шу билан шартномани муддатидан олдин узайтиришга шаъма қилди.
"Кўпроқ" - деб изоҳ қолдирган Леау.
Амалдаги шартнома Рафаэль Леауни "Милан" билан 2023/2024 йилги мавсум охиригача боғлайди. “Россонерлар” янги шартнома устида ишлаган ҳолда португалиялик футболчини ўз сафларида сақлаб қолмоқчи. Шу билан бирга, Европанинг кўплаб топ-клублари Леауга қизиқиш билдиришмоқда.
Тransfermarkt портали 23 ёшли Рафаэль Леауни А Сериянинг энг қиммат футболчиси деб баҳоламоқда, унинг нархи 85 миллион евро.
