Бироз олдин Япония ва Хорватия терма жамоалари ўртасидаги учрашув деярли уч соат давом этди. 120 дақиқаликдан сўнг бу турнирда биринчи марта пенальтилар серияси бўлди.
Пенальтилар сериясининг бош қаҳрамони Хорватия терма жамоаси дарвозабони Доминик Ливакович бўлди. У япониялик футболчиларнинг учта зарбасини бартараф этишга муваффақ бўлди. У бу натижани қайд этган учинчи дарвозабон бўлди.
Бунгача қуйидаги киперлар требл сейв қайд этган:
Рикарду Англияга қарши 2006
Даниел Субашич Данияга қарши 2018
Доминик Ливакович Япониияга қарши 2022 йилларда.
Хорватия терма жамоаси Японияни пенальтилар сериясида мағлуб этди ва энди Бразилия - Жанубий Корея учрашувида чорак финалдаги рақибни кутмоқда.
Эслатиб ўтамиз, клуб даражасида 27 ёшли Доминик Ливакович Загребнинг «Динамо» клуби шарафини ҳимоя қилади.
