Германия терма жамоасининг собиқ сардори Лотар Маттеус “Бавария” ярим ҳимоячиси Томас Мюллерга бор эътиборини клубдаги фаолиятига қаратишни маслаҳат берди.

"Мюллер маълум ёшда ва ЖЧ олдидан жароҳат олган даврлари бўлган. Мен бундай даврлар билан танишман. Мен Томасга бор эътиборини ўз клубига қаратишни маслаҳат бера оламан. У терма жамоада 1-2 йил ўйнамаганида яхшироқ ўйнади", - дея Маттеусдан иқтибос келтиради Sky Sports Germany.

33 ёшли Мюллер Германия терма жамоаси сафида барча мусобақаларда 121 та ўйинда майдонга тушиб, 44 та гол урди ва 40 та голли узатмани амалга оширди. ЖЧ-2022да футболчи 3 та ўйинда қатнашиб, гол ура олмаган.