"Вест Хэм" ярим ҳимоячиси Деклан Райс "Ливерпуль"га ўтишга интилмоқда, деб хабар беради Give Me Sport.
Аммо "қизиллар" ҳали "болғачилар"га Англия терма жамоаси футболчиси учун муносиб таклиф билан чиқишгани йўқ.
23 ёшли инглизнинг "Вест Хэм" билан шартномаси 2024 йилгача мўлжалланган ва у бир неча бор шартномани узайтиришдан бош тортган. Transfermarkt портали футболчининг нархини 80 миллион еврога баҳоламоқда.
Райс жорий мавсумда “Вест Хэм” сафида 20 та ўйинда майдонга тушиб, 1 та гол урди ва 2 та голли узатмани амалга оширди.