Испания терма жамоаси бош мураббийи Луис Энрике ЖЧ-2022 1/8 финалида Марокаш терма жамоасидан учралган мағлубият (0:0, пенальтилар бўйича 0:3) ҳақида фикр билдирди.

"Футбол ажойиб спорт тури, лекин шундай хусусиятга эгаки, жамоа ҳужум қилмасдан ҳам ғалаба қозона олади. Бу ўйинда устунлик қилдик. Бу бизга қимматга тушди. Бизда 11 зарба бор эди, лекин улар бир марта нишонга тегди. Пенальтилар бизни тушкунликка солди, лекин мен жамоа билан фахрланаман.

Пенальтилар тўлиқ менинг жавобгарлигим. Дастлабки учта ўйинчини танладим, қолганларини эса ўйинчиларнинг ўзлари ҳал қилади. Тўртинчисини пенальти тепиш учун юбориш ҳам шарт эмас эди. Боно пенальтиларда ажойиб ўйнади", - деди Энрике Испания телевидениесида.