ОФКнинг тафтиш комиссияси юртимизга етиб келди ва улар бугундан бошлаб Олий лига клубларини  текшира бошлашди. Комиссия вакиллари текширувни Ўзбекистон Профессионал футбол лигасидан бошлашди.

Тушдан сўнг эса улар Тошкентнинг "Локомотив" клубини тафтиш қилишади. Эртага эса комиссия аъзолари Бухорога бориб, "Бухоро" жамоасини назоратдан ўтказиш билан бирга, "Нефтчи"га қарши ўтказиладиган 14-тур ўйинининг ташкил қилиш жараёнини ўрганишади.

Эслатиб ўтамиз, ОФК комиссияси текширув натижаларига кўра, 2013 ва 2014 йиллар учун ОЧЛга бериладиган йўлланмалар сони аниқланади.

ОФК комиссияси иш режаси
2 август, пайшанба. «Локомотив» ФК («Локомотив» стадиони).
3 август, жума. «Бухоро» ФК («Бухоро» стадиони).
4 август, шанба. «Машъал» ФК (Баҳроим Вафоев номли стадион), «Насаф» ФК (Марказий стадион, Қарши).
5 август, якшанба. «Шўртан» ФК (Марказий стадион, Ғузор), «Динамо» ФК («Динамо» стадиони).
6 август, душанба. «Металлург» ФК («Металлург» стадиони, Бекобод), «Олмалиқ» ФК («Металлург» стадиони, Олмалиқ).
7 август, сешанба. «Қизилқум» ФК («Прогресс» стадиони).
8 август, чоршанба. «Андижон» ФК («Баркамол авлод» стадиони, Андижон), «Навбаҳор» ФК, «Нефтчи» ФК («Фарғона» стадиони).
9 август, пайшанба. ЎФФ ва ЎзПФЛ вакиллари билан учрашув. Журналистлар иштирокида матбуот анжумани.