Амстердамнинг “Аякс” клуби январь ойидаги трансфер ойнасида ярим ҳимоячиси Муҳаммад Кудус билан хайрлашишга тайёр. Тhe Sun хабарига кўра, клуб 50 миллион евролик таклифларни кўриб чиқади.

Эслатиб ўтамиз, Кудус аввалроқ мавсум бошидаги ўйинлари билан Европанинг кўплаб топ-клублари эьтиборини тортган эди. Кейинчалик Муҳаммад Қатарда бўлиб ўтган жаҳон чемпионати гуруҳ босқичида Гана терма жамоасига иккита гол уриб, сайёрамиздаги энг яхши ёш исте'додлардан бири мақомини мустаҳкамлади.

Олдинроқ Англия Премьер-лигасининг камида иккита клуби - Лондоннинг "Челси" ва "Тоттенхэм" клуби Кудус хизматларига қизиқиш билдираётгани ва январ ойида трансфер учун курашишга тайёр экани хабар қилинганди.