Amsterdamning “Ayaks” klubi yanvar oyidagi transfer oynasida yarim himoyachisi Muhammad Kudus bilan xayrlashishga tayyor. The Sun xabariga ko‘ra, klub 50 million yevrolik takliflarni ko‘rib chiqadi.
Eslatib o‘tamiz, Kudus avvalroq mavsum boshidagi o‘yinlari bilan Yevropaning ko‘plab top-klublari etiborini tortgan edi. Keyinchalik Muhammad Qatarda bo‘lib o‘tgan jahon chempionati guruh bosqichida Gana terma jamoasiga ikkita gol urib, sayyoramizdagi eng yaxshi yosh iste'dodlardan biri maqomini mustahkamladi.
Oldinroq Angliya Premyer-ligasining kamida ikkita klubi - Londonning "Chelsi" va "Tottenxem" klubi Kudus xizmatlariga qiziqish bildirayotgani va yanvar oyida transfer uchun kurashishga tayyor ekani xabar qilingandi.
