"Челси"нинг собиқ ҳимоячиси Жон Терри бир пайтлар Жозе Моуриньо ўйин вақтини чўзиш учун ишлатган ҳийласи ҳақида гапирди.
"Агар рақиб жарима майдончасида иккита ҳимоячи жароҳат туфайли йиқилган бўлса, улар майдонни тарк этишлари шарт эмас эди. Сўнгги 10 ёки 15 дақиқада, агар 1:0 ҳисобида олдинда бўлганимизда, Моуриньо бизга шундай деган эди: "Ўз жарима майдончангизга югуриб, бир-бирингиз билан тўқнаш келинг ва йиқилинг... Икки ҳимоячи майдондан чиқа олмайди".
Биз ҳеч қачон бундай қоида ҳақида эшитмаганмиз. Бурчакда Кэйхилл билан бирга йиқилдик ва ҳакам “Иккалангиз ҳам майдондан чиқинглар”, деди. Мен жавоб бердим: "Йўқ, қоидаларга кўра мумкин эмас, қанот ҳакамидан сўранг".
Моуриньо бундай кичик бўшлиқларни билар эди. Бундай бўшлиқларни ҳар доим энг яхши мураббийлар кўришади" - деди Терри beIN Sports билан суҳбатда.
