"Манчестер Юнайтед" бош мураббийи Эрик тен Хаг нима учун Давид Де Хеа ўртоқлик ўйинида "Кадис"га (2:4) қарши майдонга тушмаганига изоҳ берди. Англия клуби дарвозасини Мартин Дубравка ҳимоя қилди.
“Дубравка Лига кубогида “Астон Вилла”га қарши ўйинда жуда яхши ўйнади. Биз барча ўйинчиларга имконият беришимиз керак, шунинг учун у бугун ўйнади ва бу унинг нимага қодирлигини кўрсатиш учун, ўйин вақти олиши учун яхши имкониятдир.
Мен жамоамнинг босимини кўрмоқчиман. Бизга прессинг, баланд ва паст блокларда ўзгаришлар керак, аммо бу рақибга боғлиқ. Биз рақиблар тўғридан-тўғри ўйнашига тайёргарлик кўрдик, шунинг учун биз бирдам бўлишимиз ва ҳамма нарсада жамоавий ҳаракат қилишимиз керак ", - деди нидерландиялик мутахассис.
