«ПСЖ» президенти лавозимини эгаллаб турган Носир Ал-Хелайфи ҳужумчи Килиан Мбаппе ҳақида гапирди.

Эслатиб ўтамиз, ўтган йилнинг баҳорида Килиан Мбаппе Лига 1 гранди билан шартномани узайтирганди. У эркин агент сифатида «Реал»га ўтишдан бош тортди.

«Мен учун Мбаппе энг яхшиси – футболчи сифатида, инсон сифатида, профессионал сифатида. Мен учун унинг жамоада қолиши ва клубдан текинга кетмаслиги муҳим эди.

Мен унга доим ишонганман, унинг оиласи билан бизда алоҳида муносабатлар бор. У парижлик, у француз ва у доимо Францияда ўйнаганидан фахрланади», — дейди Ал-Хелайфи Sky Sports нашрига берган интервьюсида.