"Барселона" спорт директори Йорди Кройфф Лионель Мессининг Каталония клубига қайтиши ҳақида фикр билдирди, шунингдек, отаси Йохан Кройффни эслади.
"Месси ҳақида гапирганда, кўплаб саволлар туғилади, айниқса молиявий фейр-плэй ҳақида. Орзулар бепул, лекин футболчилар эса - йўқ. Гап Мессида эмас, бутун бозор ҳақида кетяпти. Месси ҳақида ўйлаганимда, оилам, отам (Йоҳан Кройфф) ҳақида хотиралар пайдо бўлади. Икки буюк шахс бир-бирига улуғ бўлганида, бу ҳикоя якуний қучоқлаш билан тугаши муҳимдир.
Қандай? Билмадим, лекин ўз тажрибамдан келиб чиқиб айтишим мумкинки, отамни кузатиб, бу сўнгги қучоқ у учун ҳам, клуб учун ҳам муҳим эди. Ҳар доим ҳам бундай нарсаларга ўз ҳис-туйғуларини кўрсатмаган, қўпол характерга эга бўлган унинг "Барселона" билан қандай ярашаётганини кўриш учун... Менимча, Месси ҳақида гапирадиган бўлсак, у ҳам бир кун келиб шундай қилиши муҳим. Охирги қучоқлаш, чунки у ҳам, клуб ҳам бунга лойиқ, лекин ҳар икки томон ҳаракат қилиш керак", - деди Кройфф Marca билан суҳбатда.
