"Барселона" ярим ҳимоячиси Гави клубдаги молиявий муаммолар туфайли оддий ўйинчилар рўйхатига киритилмаган, деб хабар беради Marca.
Манбанинг хабарига кўра, ойлик тўлови ошириб юборилгани сабабли каталонияликлар нафақат январда янги футболчилар билан шартнома имзолай олмайди, балки Гавини асосий таркиб футболчиси сифатида рўйхатдан ўтказмайди. У ҳали ҳам "кўк-анорранглилар"нинг академия ўйинчиси саналади.
Январь ойида бу муаммо ҳал қилиниши кераклиги хабар қилинган эди. Аммо иш ҳақи жадвалида ҳали бўш жой йўқ, шунинг учун Гавини рўйхатдан ўтказиш қийин бўлади.
Сентябрь ойида «Барса» испаниялик футболчи билан шартномани 2026 йилгача узайтирди. 18 ёшли футболчи жорий мавсумда Ла Лиганинг 14 та учрашувида майдонга тушиб, 1 та голли узатмани амалга оширди.
