Агар Серхи Бускетс кетса, Серхи Роберто "Барселона" сардорига айланади.
Роберто "Барса"нинг жорий мавсумдаги Херард Пике ва Серхи Бускетсдан кейин учинчи сардори. Агар 34 ёшли ярим ҳимоячи ёзда Каталония клубини тарк этса, Роберто "Барса"нинг янги сардорига айланади, дея хабар беради Diario Ara бир нечта манбаларга таяниб.
Серхи аллақачон агентларга "Барселона" билан яна бир ёки икки йилга янги шартнома имзоламоқчи эканлигини айтган. Бу борадаги музокаралар ҳали бошланмаган.
Катта эҳтимол билан ЖЧ-2022дан кейин Пике кетиши муносабати билан Марк-Андре тер Штеген "Барса"нинг тўртинчи сардорига айланади.
30 ёшли футболчи жорий мавсумда "Барса" сафида барча турнирларда 12 та ўйинда майдонга тушиб, 2 та гол урди ва 2 та голли узатмани амалга оширди.
