Жоау Феликс Португалия терма жамоаси учун Криштиану Роналдунинг аҳамияти ҳақида гапирди.
- Роналду қачонлардир терма жамоани тарк этиш билан таҳдид қилганми?
- Мен жавоб бермайман, бу аллақачон муҳокама қилинган. Шунчаки барчага, айниқса ОАВга айтмоқчиман: Португалия турнирни ажойиб ўтказмоқда, жамоа анчадан бери чорак финалга чиқа олмаяпти. Ҳаммамиз бирдамроқ бўлишимиз ва жамоадаги муҳитни бузмаслигимиз керак.
- Роналду билан ва Роналдусиз ўйнашнинг фарқи борми?
- Таркибда бор-йўқлигидан қатъий назар, тактика бир хил. Биринчи ўйинданоқ бир хил тактикадан фойдаландик. Унда бошқаларда мавжуд бўлмаган хусусиятлар бор, бошқа ўйинчилар ҳам борки, улар ҳар хил хусусиятларга эга, лекин жамоа доимо бир хил ўзига хосликка эга.
- Жозе Фонтенинг айтишича, Португалия Роналду йўқлигида онгсиз бўлса ҳам кўпроқ жамоа бўлиб ўйнайди. Сизни уни ўйнашга мажбур қилишяптими?
- Мен бундай мажбуриятни ҳис қилмайман. Биз ҳар доим энг яхши ечимни топишга ҳаракат қиламиз, лекин ҳар кимнинг ўз фикри бор. Роналду ўйинга ўзига хос нарсани олиб келади" - деди "Атлетико" ҳужумчиси.
