85 кг. вазнли оғир атлетикачимиз Шерзод Юсупов "В" гуруҳи вакиллари орасида ўз иштирокини якунлади. Айтиш мумкинки, Шерзод ёмон қатнашмади.

Даст кўтариш машқида Шерзоджон 150, 155 кг.ли штангаларни ўзига бўйсундирди, аммо учинчи уринишда 159 кг.ни кўтара олмади. Даст кўтаришди 155 кг. натижа билан у тўртинчи бўлди.

Силтаб кўтариш машқини эса Юсупов 180 кг. билан бошлади ва бу оғирликни у осонгина кўтара олди. Шундан сўнг ҳамюртимиз оғирликни биратўла 195 кг.га оширди. Спортчимиз дастлаб уни кўтара олмаган бўлсада, энг сўнгги уринишда бу оғирликни ҳам ўз ҳисобига ёзиб қўйди. Силтаб кўтариш баҳсида ҳамюртимизнинг ушбу натижаси бешинчи бўлди.

Натижада Шерзоджон Юсупов 2 уриниш бўйича 350 кг. вазнни кўтарди. "В" гуруҳи иштирокчилари орасида ушбу кўрсаткич билан 4-ўринни эгаллади.

Микалай Новикау (Беларусь) - 363, Раули Цирекидзе (Грузия) - 362, Фаррис Кендрик (АҚШ) - 355 кг. кўрсаткичлар билан ушбу спортчилар дастлабки 3та ўринни эгаллашди.

Кечки дастурда "А" гуруҳи иштирокчилари ўз чиқишларини бошлашади ва шундан сўнг умумий натижа шакллантирилади.