Марокаш терма жамоаси дарвозабони Ясин Боно жаҳон чемпионати 1/4 финалида Португалияга қарши ўйин олдидан фикрларини билдириб ўтди.
1/8 финалда марокашликлар пенальтилар сериясида ғалаба қозониб, Испанияни мағлуб этишди. Португалия билан учрашув 10 декабрь куни бўлиб ўтади.
"Ушбу турнирда шу даражагача етиб бориш – катта фахр ва биз саёҳатимизни давом эттиришга ҳаракат қиламиз. Биз ўзимизга ишонамиз ва умид қиламизки, жаҳон чемпионатининг ярим финалига чиққан биринчи араб жамоаси бўламиз. Бизни барча араб давлатлари ва бутун Африка қўллаб-қувватламоқда, биз Португалия билан бўладиган дуэлда қўлимиздан келганини қиламиз", — деди Боно ўйинолди матбуот анжуманида.
