Хорватиялик дарвозабон Доминик Ливакович жаҳон чемпионатида сейвлар бўйича терма жамоа рекордини ўрнатди, деб хабар беради Opta.
ЖЧ-2022 чорак финалида Бразилияга қарши ўйинда 27 ёшли дарвозабон 9 марта рақиблар зарбаларини қайтариб қолди.
Қатарда бўлиб ўтаётган жаҳон чемпионатида фақат Польша терма жамоаси дарвозабони Войцех Шесни Аргентинага (0:2) қарши гуруҳ босқичидаги ўйинда шунча сейв амалга оширди.
Ливакович Хорватия терма жамоасида 2017 йилда дебют қилган. Умуман олганда, дарвозабон миллий терма жамоа сафида 38та ўйин ўтказиб, 44та гол ўтказиб юборган ва 13та қуруқ ўйин ўтказган.
