Бразилия терма жамоаси етакчиси Неймар Қатардаги жаҳон чемпионатидаги муваффақиятсизликдан сўнг ўз фикрлари билан ўртоқлашди.
Турнирнинг асосий фаворитлари қаторидан жой олган бразилияликлар чорак финалдаёқ сафарларини якунлаб, пенальтилар сериясида Хорватия терма жамоасига имкониятни бой беришди.
Миш-мишлар ғазабланган Неймарни терма жамоани тарк этиши билан боғлади, аммо футболчининг ўзи буни тасдиқламади: "Бу ҳақда гапиришга ҳали эрта, мен ҳали ҳеч нарсага қарор қилганим йўқ. Мен эшикларни ёпмайман, лекин ҳеч нарсани истисно эта олмайман" - деди "ПСЖ" ҳужумчиси.
Шунингдек, Бразилиянинг ЖЧни тарк этгани ҳақида ҳам гапириб ўтди: "Нима бўлганига ишонмайман, бу даҳшатли тушга ўхшайди. Мен бу мағлубиятни узоқ вақт қабул қила олмайман, лекин бу футбол" - дея қўшимча қилди Неймар.
