Миланнинг “Интер” клуби ҳимоячиси Робин Госенс қишки трансфер ойнасида клубини ўзгартириши мумкин. Журналист Флориан Плеттенбергнинг сўзларига кўра, Германиянинг “Вольфcбург” клуби футболчи учун курашдан чиқиб кетган, бироқ Бундеслигада қанот ҳимоячиси олмоқчи бўлган яна бир клуб бор.

Гап узоқ вақтдан бери Госенсга қизиқиш билдираётган "Байер" ҳақида кетмоқда. Бироқ манбага кўра, “доричилар” ҳозирча жиддий чора кўрмаган.

Бу мавсумда Госенс "Интер"нинг асосий ўйинчиси эмас. Немис футболчиси "Аталанта"дан кўчиб ўтгандан сўнг, шу йилнинг январ ойидан бери "нерадзурри" сафида ўйнамоқда.