"Манчестер Юнайтед" ҳужумчиси Маркус Рэшфорд билан амалдаги шартномани янгилашни мақсад қилган.
Daily Mail хабарига кўра, клуб 25 ёшли футболчига Жаҳон чемпионати якунланганидан сўнг янги шартнома таклиф қилади. Ҳозирда таклифнинг молиявий томонлари тузиб чиқилмоқда.
Рэшфорднинг амалдаги шартномаси 2023 йилнинг ёзида якунланади. Аввалроқ, "ПСЖ" президенти форвардни ўз сафига қўшиб олишга қарши эмаслигини айтган эди.
Форвард жорий мавсум клуб ва терма жамоа сафида жами 23 та ўйинда 11 та гол урди. Шунингдек, унинг ҳисобида 3 та голли узатма ҳам бор.
