Англия терма жамоаси ҳужумчиси Харри Кейн жаҳон чемпионатининг чорак финал учрашувида инглиз ҳимоячиси Кайл Уокер ва Франция терма жамоаси ҳужумчиси Килиан Мбаппе ўртасидаги бўлажак қарама-қаршилик ҳақида гапирди. Бугун, 10 декабрь куни Англия ва Франция терма жамоалари тўқнаш келишади. Учрашув Тошкент вақти билан 23.59'да бошланади.

“Кайл ва мен бир-биримизни анчадан бери биламиз. У фантастик ҳимоячи ва сўнгги 10 йилдаги энг барқарор ўнг қанот ҳимоячиси.

У бор эътиборини жамоа учун ўз ишини бажаришга қаратади. У Мбаппега қарши ўйнашга тайёр", — деди Кейн.

Килиан Мбаппе Қатарда бўлиб ўтаётган жаҳон чемпионатида тўпурарлар пойгасида етакчилик қилмоқда. У тўртта ўйинда бешта гол урди.