Португалия терма жамоасининг ҳужумкор ярим ҳимоячиси Бруну Фернандеш жамоасининг Қатардаги жаҳон чемпионатини тарк этиши ҳақида фикр билдирди.

Португаллар чорак финалда Марокашга қарши ўйинда яққол фаворит ҳисобланган, аммо минимал ҳисобда мағлуб бўлди.

"Биз шунчаки синдик. Бизда имкониятлар бўлди, аммо улардан фойдалана олмадик ва ўтказиб юборилган голдан кейин ўйинга қайта олмадик. Турнирдаги иштирокни шу тарзда якунлаш жуда ёқимсиз. Бу натижани қабул қилиш учун вақт керак бўлади", - деди Қатарда иккита гол ва учта голли узатмани амалга оширган “Манчестер Юнайтед” футболчиси ўйиндан кейинги интервьюсида.