Мюнхенгладбахнинг "Боруссия" клуби ҳимоячиси Рами Бенсебаини фаолиятини Дортмунднинг "Боруссия"сида давом эттириши мумкин, дея хабар беради журналист Фабрицио Романо.
Манбага кўра, 27 ёшли жазоирлик футболчи чап қанот ҳимояси учун асосий номзод бўлиб турибди. Ушбу ҳаракат келаси ёзда амалга оширилиши кутилмоқда, "Боруссия" раҳбарияти шартнома устида ишламоқда.
Ўз навбатида 28 ёшли Рафаэл Геррейру немис клубини тарк этиши мумкин.
Олдинроқ Бенсебаинига Миланнинг "Интер" клуби ҳам қизиқиш билдираётгани ҳақида хабарлар тарқалган эди.